admin 
Вайн к1оштан маьждигашкахь хаддаза мовладаш йоьшуш, саг1анаш дохуш дама, жижиг, дуга, шекар доъкъуш г1уллакх дарна, муьлхха къа-бала юхатухуш волчу Дала мохк а, къам а зуламах-зенах лардийр ду. Мехка Ден Кадыров Р.А. т1едожорца,НР-н Хьалхарчу Президентан Кадыров Ахьмад-Хьаьжин ц1арах йолчу фондан чоьтах 300 уьстаг1 оьцуш даьккхина доккха саг1а Т1ехьа-Мартанан районехь уггаре г1ийла-миска бохкучу нахана д1акхачийтар ч1ога мехала г1уллакх ду.
Бусалба динан а, 1едалан а векалш т1ахъаьлла хьовзарна, цунах мел а, ял а йоккха юйла хаа деза. Нохчийн къоман орам хадон 1алашо йолчу Делан мостаг1аша лелош дерг хууш, кхолладеллачу хьоле хьаьжжина х1ума лелор, хетарг чекх ца далийтар, Далла хьалха нийса дуйла дика гуш хуьлу.
Пандемин ун даржа доьлчхьана цхьанна базаршкахь а, туьканашкахь а хуьлуш йоцург хуьлуьйтуш йоккха терго хилийтира республикан куьйгалхочо массо де эшначу нахана. Кхидерг дуьйцуш эрна хан х1унда йойъура, массо сингаттам д1аболуш, вовшашца марзо йолуш, ирсе дахийта лаам болуш х1ума лелош хилча. Бердах кхисса хьаьгначарна кхета деса хабарш дийцарх — сайра бузуш боцийла.
« Т1ехьа-Мартанан районан бахархойн а, сайн ц1арах а баркалла олуш, Дала саг1адойла Ахьмад-Хьаьжин сина кхочуш, массо г1ийла-миска нахана делла саг1а»,- бохура районан администрацин куьгалхочо волчу Хучиев Темирлана а, к1оштан къедас Дацуев Абурешида а, дуккха а юьртахоша. Дала къобалдойла г1ийла-мискачу нахана г1о деш дохуш долу саг1анаш, т1аьхье беркате хуьлда!
Б.Шахмурзаев
